കുഞ്ഞിമംഗലം
ഗ്രാമ പഞ്ചായത്ത്

കുഞ്ഞിമംഗലം മഹാശിലായുഗം മുതൽ മനുഷ്യവാസം നിലനിന്നിരുന്ന സമ്പന്നമായ ചരിത്രപാരമ്പര്യമുള്ള പ്രദേശമാണ്. ഏഴിമല രാജ്യത്തിന്റെയും പിന്നീട് കോലത്തിരി ഭരണത്തിന്റെയും ഭാഗമായിരുന്ന ഈ ഗ്രാമം കേരളോൽപ്പത്തിയിൽ പറയുന്ന 32 തുളുഗ്രാമങ്ങളിൽ ഒന്നാണ്. വീരചാമുണ്ഡി ആരാധനയുമായി ബന്ധപ്പെട്ട ഐതിഹ്യങ്ങളും മേലോം പോലുള്ള ആരാധനാകേന്ദ്രങ്ങളും പ്രദേശത്തിന്റെ ആത്മീയ പൈതൃകത്തെ വ്യക്തമാക്കുന്നു. ഭൂതാരാധന, നാഗാരാധന, വൃക്ഷാരാധന എന്നിവ ദ്രാവിഡ-വൈദിക സംസ്കാരങ്ങളുടെ സമന്വയം പ്രകടമാക്കുന്നു. തൃപ്പാണിക്കര ശിവക്ഷേത്രം, എടാട്ട് തിരുവക്കാട് ഭഗവതി ക്ഷേത്രം തുടങ്ങിയവ പ്രധാന ആരാധനാകേന്ദ്രങ്ങളാണ്. തെയ്യം, കോൽക്കളി, പെരുംകളിയാട്ടം എന്നിവ ഗ്രാമത്തിന്റെ പ്രാചീന കലാസമ്പത്തിനെ ഇന്നും സജീവമാക്കുന്നു. കൃഷി, കന്നുകാലിവളർത്തൽ, നെയ്ത്ത്, ഓടുവാർപ്പ്, ദാരുശില്പം തുടങ്ങിയവ പ്രധാന തൊഴിലുകളായിരുന്നു. ക്ഷേത്രവിഗ്രഹങ്ങൾക്ക് ചായം കൊടുക്കുന്നതിൽ കുഞ്ഞിമംഗലത്തെ ശില്പികൾ...